Պերմյակովի գործով բաց դատական նիստը նշանակված է օգոստոսի 12-ին

301
Երևանի հինգերորդ կայազորային զինվորական դատարանը, որը գտնվում է Ռուսաստանի Հյուսիսկովկասյան շրջանային զինվորական դատարանի ենթակայության ներքո, կես տարով երկարաձգել է ռուսաստանցի զինծառայող Վալերի Պերմյակովի կալանքի ժամկետը:

Պերմյակովը մեղադրվում է Գյումրիում Ավետիսյանների 7 հոգանոց ընտանիքի բոլոր անդամների սպանության մեջ:

«Կալանքի տակ պահման ժամկետը երկարաձգվել է մինչև 2016 թվականի հունվարի 30-ը: Դատարանի որոշման համաձայն, Պերմյակովի գործով բաց դատական նիստը նշանակված է 2015 թվականի օգոստոսի 12-ին՝ մոսկվայի ժամանակով 9:30-ին», - ՏԱՍՍ գործակալությանը հայտնել է դատարանի մամուլի խոսնակ Ալյոնա Կատկալոն:

Նախաքննության տվյալներով, Գյումրիում տեղակայված 102-րդ ռազմաբազայի զինծառայող Վալերի Պերմյակովը հունվարի 12-ին ինքնակամ, զենքով լքել է պահակակետը և սպանել Ավետիսյանների ընտանիքի 6 անդամներին, վիրավորել մանկահասակ երեխային, ով ավելի ուշ մահացավ հիվանդանոցում: Պերմյակովը ձերբակալվել է նույն օրը ռուս սահմանապահների կողմից՝ Թուրքիայի սահմանը հատելու փորձ կատարելիս: Նա խոստովանել է իր մեղքը:

Վալերի Պերմյանկովի գործի վարույթը արդեն հանձնվել է Հայաստանի քննչական կոմիտեին: Հետագա դատաքննությունը ևս իրականացվելու է Հայաստանի ատյանի կողմից: Այդ մասին հայտարարել էր ՀՀ նախագահ Սերժ Սարգսյանը Ռուսաստանի տրանսպորտի նախարար Մաքսիմ Սոկոլովի հետ հանդիպմանը:

Տպել

Թեմայի այլ նորություններ
Загрузка...