Ադրբեջանում թրոլերին ուղղորդում է նախագահի օգնականը. լրագրողների պաշտպանության կոմիտե

ԱՄՆ-ում տեղակայված Լրագրողների պաշտպանության կոմիտեն վերջին շրջանում արդեն 2-րդ անգամ է քննադատական հոդվածով անդրադառնում Ադրբեջանում խոսքի ազատության և լրագրողների իրավունքների խախտումներին: Հոդվածի հեղինակ Գյուլնոզա Սաիդը շեշտը դնում է այն հանգամանքի վրա, որ իշխանությունների ռազմավարությունն այդ հարցում մշակում և իրականացնում է նախագահի օգնական Ալի Հասանովը:

Այդ ռազմավարության բաղկացուցիչ մասն է քննադատող ձայների լռեցումը, կայքերի արգելափակումը, հաքերային գրոհները, թրոլերի կողմից պատվիրված հոդվածների տպագրումը: Այդ ամենը շարունակվում է նաև ապրիլի 11-ին կայանալիք նախագահական ընտրությունների շեմին, գրում է Contact.az-ը: