Թուրքիան կընդլայնի սեփական արտադրության զինատեսակների կիրառումը

Թուրքիայի պաշտպանական արդյունաբերության գործադիր կոմիտեն նախագահ Ռեջեփ Թայիփ Էրդողանի ղեկավարությամբ նիստի ժամանակ 4․8 մլրդ դոլար արժողությամբ 29 նախագիծ է քննարկել։ Այս մասին հաղորդում են թուրքական լրատվամիջոցները։

Նշվում է, որ կոմիտեն որոշել է ընդլայնել սեփական արտադրության զինատեսակների կիրառումը։

«Նիստի ժամանակ մի շարք որոշումներ են կայացվել՝ մեր զինված ուժերի բարեհաջող գործողությունների շրջանակում, որոնք ուղղված են ինչպես երկրի ներսում, այնպես էլ սահմանամերձ տարածքներում անվտանգության ապահովմանը»,-ասվում է հաղորդագրությունում։