28.03.2024
Հինգ շրջանների վերադարձի մասին պայմանագիր գոյություն չունի. Քոչարյան
prev Նախորդ նորություն

Նորություններ գործընկերներից

Ազգային ժողովը ՀՀ-ԵՄ համաձայնագիրը կվավերացնի ապրիլի 10-ին. Արմեն Աշոտյան

Անցյալ տարվա նոյմեբերին Բրյուսելում ստորագրված Հայաստան-Եվրամիություն շրջանակային համաձայնագիրը Ազգային Ժողովում կվավերացվի ապրիլի 10-ի հերթական նիստում: Այս մասին այսօր՝ մարտի 19-ին հայտարարել է Հայաստանի Ազգային ժողովի արտաքին հարաբերությունների հանձնաժողովի նախագահ Արմեն Աշոտյանը:


Նման հայտարարություն նա արել է Լեհաստանի Սենատի արտաքին հարաբերությունների հանձնաժողովի նախագահ Մարեկ Ռոցկիի հետ համատեղ մամուլի ասուլիսի ժամանակ:


Նրա խոսքով, Հայաստանի և Եվրամիության միջև ստորագրված համաձայնագիրը ուժի մեջ կմտնի հատվածաբար՝ Հայաստանի կողմից այն վավերացնելու դեպքում: «Ապրիլին Հայաստանի խորհրդարանը վավերացնելու է այն: Կոնկրետ որևէ ժամկետ ասել չեմ կարող, այն կստորագրվի ապրիլյան խորհրդարանական որևէ նիստին: Հավանաբար` ապրիլի 10-11-ին, բայց ոչ ապրիլի 1-ին: Ըստ ամենայնի՝ հենց հերթական նստաշրջանին՝ ապրիլի 10-ին»,- նշեց Արմեն Աշոտյանը:


Նա հիշեցրել է, որ Սահմանադրական դատարանը դրական որոշում է կայացրել, որ տվյալ համաձայնագիրը համապատասխանում է Սահմանադրությանը: Աշոտյանը նաեւ ընդգծել է որ հայկական կողմը չի կարող անգամ ամենակարևոր փաստաթուղթը վավերացնել ընթացակարգերի խախտմամբ:


Ավելի վաղ Սերժ Սարգսյանը եւ նույն Արմեն Աշոտյանը հայտարարել էին, որ Ազգային ժողովը ԵՄ-Հայաստան համաձայնագիրը կվավերացնի մինչև մարտի վերջը:


Հայաստանը Եվրամիության հետ համաձայնագիրը ստորագրեց անցած տարվա նոյեմբերին՝ դառնալով Եվրասիական տնտեսական միության անդամ առաջին պետությունը, որը նաև Եվրոպական միության հետ խորացրեց գործակցությունը:


2017 թ-ի վերջին նիստում Կառավարությունը հավանություն տվեց փաստաթղթին և առաջիկայում, երբ Սահմանադրական դատարանը ևս դրական եզրակացություն տա, այն որպես օրենքի նախագիծ կուղարկվի Ազգային ժողով՝ ըստ ամենայնի, Արմեն Աշոտյանի գլխավորած արտաքին հարաբերությունների մշտական հանձնաժողով:


Այսօր խորհրդարանում տեղի է ունեցել ԱԺ արտաքին հարաբերությունների մշտական հանձնաժողովի և Լեհաստանի Հանրապետության Սենատի արտաքին հարաբերությունների ու Եվրոպական միության հետ կապերի կոմիտեի համատեղ նիստը, որի շրջանակում քննարկվել են ՀՀ-ԵՄ հարաբերությունները, տարածաշրջանային անվատնգության հիմնահարցերը, հայ-լեհական հարաբերությունները, Լեհաստանի հետ վիզաների ազատականացման հարցը և այլն։


Նիստի արդյունքում ստորագրվել է եզրափակիչ բանաձև, որտեղ ի թիվս շատ հարցերի անդրադարձ է կատարվել նաև ԼՂ հակամարտությանն ու ՀՀ-Լեհաստան համագործակցությանը։

Վրաստանում ՀՀ դեսպանն այցելել է Ջավախք եւ մոմ վառել Սուրբ Նշան «վիճելի» եկեղեցում
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար