Առաջիկա 5 օրերին ջերմաստիճանը չի նվազելու

Առաջիկա 5 օրերին օդի ջերմաստիճանը չի նվազելու, հայտնել է ՀՀ ՇՄՆ Հիդրոօդերևութաբանության և մոնիթորինգի կենտրոնի պետի տեղակալ Գագիկ Սուրենյանը։

Նա նշել է, որ ցուրտ օդային հոսանքներ հորիզոնում ընդհանրապես չեն երևում։

«Ավելին, հոկտեմբերի 20–ից սկսած գիշերային ժամերին հանրապետության ողջ տարածքում սպասվում է օդի ջերմաստիճանը բարձրացում 4–5 աստիճանով։ Առանց տեղումների եղանակը հանրապետության տարածքում կպահպանվի մինչև հոկտեմբերի 20–ը ներառյալ։ Միայն հոկտեմբերի 21–ին և 22–ին հանրապետության առանձին հատվածներում կունենանք կարճատև անձրևներ», – նշել է Սուրենյանը։