Քաղաքագետ. Հեյդար Ալիևի իշխանության գալուց հետո Ադրբեջանի բոլոր ընտրությունները կեղծվել են

Վերջին քարորդ դարի ընթացքում Ադրբեջանում ոչ մի ընտրություն ժողովրդավարական չի եղել։ Այդ մասին հայտարարել է քաղաքագետ Զարդուշտ Ալիզադեն։

Նա նշել է, որ միայն 1990–ականներին փորձեր կային անցկացնել ժողովրդավարական ընտրություններ։ Ըստ նրա, 1993թ.–ին Հեյդար Ալիևի իշխանության գալուց հետո Ադրբեջանում բոլոր ընտրությունները կեղծվել են։

Նրա խոսքով, այսօրվա իշխանությունները «ճզմել» են ավանդական ընդդիմությանը։ Նա նշել է, որ ընդդիմությունը չունի ոչ ֆինանսական, ոչ մեդիա, ոչ մարդկային ռեսուրսներ։

Քաղաքագետը հավելել է, որ անշունչ ընդդիմությանը մնում էր միայն բոյկոտել նախագահական ընտրությունները։