Հայաստանի նախագահ Սերժ Սարգսյանը փետրվարի 17-ին Մյունխենի անվտանգության համաժողովում իր ելույթից հետո՝ պատախսանելով «Եվրասիա խմբի» նախագահ և հիմնադիր Յան Բրեմերի հարցին, խոսել է այն մասին, թե եղել են արդյոք ճնշումներ, որ 2013 թ-ին Երեւանը հրաժարվեց Եվրամիութայն հետ Ասոցիացիայի համաձայնագրից և նոր գործընկերություն սկսեց Մաքսային միության հետ:
«Գիտեք՝ շատ տարօրինակ է այդպիսի հարցադրումը, որովհետև մենք բազմիցս ասել ենք, որ մենք մշտապես բաց և անկեղծ ենք եղել մեր գործընկերների հետ` հատկապես ինտեգրացիոն գործընթացների հետ կապված հարցերում: Երբ մենք ԵՄ-ի հետ սկսեցինք մեր բանակցությունները` մեր ռուս գործընկերները, մեր դաշնակիցները դրա մասին տեղյակ էին, և մեր եվրոպացի գործընկերներն էին տեղյակ, որ մենք բանակցում ենք նաև Եվրասիական տնտեսական միությանը` այն ժամանակվա Մաքսային միությանն անդամակցելու համար: Մենք դա հնարավոր էինք տեսնում: Եվ երբ «և՛,և՛»-ի սկզբունքը փոխարինվեց «կամ՛, կա՛մ»-ի սկզբունքով, մենք չէինք կարող ստորագրել այդպիսի համաձայնագիր», - ի պատասխան հայտարարել է Սերժ Սարգսյանը:
Տարիներ առաջ, 2014 թ-ին սեպտեմբերին, Սարգսյանը անուղղակի խոստովանեց, որ Հայաստանի՝ ԵԱՏՄ-ին անդամակցելու որոշումը կայացվել է մեկ գիշերում: Պրահայում հայկական համակայնքի հետ հանդիպմանը, պատասխանելով հարցին, թե ինչու Մաքսային Միությանն անդամակցելու վերաբերյալ նա չհարցրեց համայն հայության կարծիքը եւ հանրաքվե չանցկացրեց, Սարգսյանը ասել էր. «Ես չէի կարող մի գիշերում բոլորիդ կարծիքը հարցնել»:
Այժմ Սերժ Սարգսյանը Մյունխենի համաժողովում պնդում է, որ ոչ թե ՀՀ-ն է հրաժարվել ստորագրել Ասոցացման համաձայնագիրը, այլ Եվրամիությունը չի ցանկացել ստորագրել «մեզ հետ համաձայնագիր»: «Մենք նույնիսկ առաջարկել ենք համաձայնագրի մի մասը՝ քաղաքական մասը, ստորագրել, եթե դա հնարավոր է, բայց մեր եվրոպացի գործընկերներն ասել են՝ ոչ: Սակայն ընդամենը շաբաթներ հետո Ուկրաինայի հետ ստորագրվել է այնպիսի համաձանագիր, որ մենք էինք առաջարկել: Մենք շատ լավ հասկանում ենք Հայաստանի հնարավորությունները և Ուկրաինայի հնարավորությունները, Հայաստանի դերակատարությունը և Ուկրաինայի դերակատությունը, բայց, այնուհանդերձ, մեզ համար տարօրինակ էր», - ասել է Սերժ Սարգսյանը՝ եւ մեկ անգամ հավելելով, որ Երեւանը չի հրաժարվել այդպիսի համաձանագրի ստորագրելուց:
Միեւնույն ժամանակ նա փառք է տվել Աստծուն, որ դրանից ոչ այնքան շատ հետո Եվրամիությունը որոշում կայացրեց, և այդպիսի որոշումը հաստատվեց Ռիգայի գագաթնաժողովում. տարբերակված մոտեցում ցուցաբելեր արեւելյան գործընեկրներին:
«Եվ այդ տարբերակված մոտեցման ներքո մեզ հաջողվեց Եվրամիության հետ ստորագրել փաստաթուղթ: Ուզում եմ, որպեսզի այստեղ մեկ անգամ ևս ընդգծենք՝ մենք որևէ մեկի հետ գաղտնի բանակցություններ չենք վարել, մենք որևէ մեկի ճնշման տակ որոշում չենք կայացրել, և ինչպես ես ասացի` մեր պատմական փորձը ցույց է տալիս, որ հակամարտություններից փորձել ժամանակավոր օգուտներ քաղել` բերում է մեծ ողբերգությունների: Մենք այդպիսի ողբերգության միջով անցել ենք և չէինք ուզենա, որ այդ ողբերգությունները կրկնվեին», - հայտարարել է նա:
