Սիրիական Իդլիբում թուրքական ԶՈւ-ի ներկայությունն օկուպացիա է. Դամասկոս

ՄԱԿ-ում Սիրիայի մշտական ներկայացուցիչ Բաշար ալ Ջաաֆարին Սիրիայի հյուսիսային Իդլիբ շրջանում թուրքական ԶՈւ-ի ներկայությունն անվանել է օկուպացիա և ոտնձգություն Սիրիայի տարածքային ամբողջականության դեմ:

Ալ Ջաաֆարին նշել է, որ նման քայլով Թուրքիան խախտում է Աստանայում բանակցությունների մասնակից և Սիրիայում անվտանգության գոտիներում հրադադարի երաշխավոր երկրների միջև ձեռք բերված համաձայնությունները:

«Սա հարձակում է, սա օկուպացիա է», - հայտարարել է սիրիացի պաշտոնյան:

Ըստ նրա՝ ԱՄՆ-ի գլխավորած միջազգային կոալիցիոն ուժերի գործունեությունը Սիրիայում նույնպես անօրինական է ու Սիրիայի իշխանությունների համար ոչ ցանկալի:

Շաբաթներ առաջ հաղորդվել էր, որ թուրքական զինված ուժերի առաջին շարասյունը մտել է Իդլիբ: