29.03.2024
82 միլիմետրանոց ականանետեր և հաստոցավոր հակատանկային նռնականետեր. շաբաթն առաջնագծում
prev Նախորդ նորություն

Նորություններ գործընկերներից

ԱԳՆ. Լապշինի արտահանձնումը, միջազգային հանրության կողմից արձագանքի պակասը ոգևորել է Բաքվին

ՀՀ ԱԳՆ խոսնակ Տիգրան Բալայանի կարծիքով՝ Լապշինի ձերբակալությունն ու այնուհետ նրա արտահանձնումը շատ է ոգևորվել Ադրբեջանին:


«Լապշինի ձերբակալության և Ադրբեջան արտահանձնման վերաբերյալ միջազգային հանրության կողմից պատշաճ արձագանքի պակասն է ոգեշնչել Բաքվին»,- գրել է Տիգրան Բալայանը Twitter-ում՝ անդրադառնալով Թբիլիսիում օրերս առևանգված ադրբեջանցի ընդդիմադիր լրագրող ու ակտիվիստ Աֆղան Մուխթարլըին, ով այնուհետ տեղափոխվել էր Բաքու և դատարանի որոշմամբ կալանավորվել երեք ամսով:


Նշենք, ավելի վաղ ԵՄ Արտաքին գործերի և անվտանգության քաղաքականության հարցերով մամուլի քարտուղար Մայա Կոսյանչիչը հանդես էր եկել հայտարարությամբ, որում նշված էր, որ Վրաստանում բնակվող Ադրբեջանի քաղաքացիների, այդ թվում՝ իրավապաշտպանների առևանգման և անօրինական կամայական ձերբակալության և այնուհետև Ադրբեջանում նրանց կալանավորման և հետապնդումների մասին հաղորդումները պահանջում են արագ, համապարփակ և թափանցիկ հետաքննություն:


Հիշեցնենք, Ռուսաստանի և Իսրայելի, Ուկրաինայի քաղաքացի Ալեքսանդր Լապշինը ձերբակալվել է 2016-ի դեկտեմբերին Մինսկում Ադրբեջանի պահանջով, քանզի նա ներառված է այդ երկրի «սեւ ցուցակում»՝ Լեռնային Ղարաբաղ այցելության համար։ 2015-ին նա Վրաստանի տարածքով եւ Ուկրաինայի քաղաքացու անձնագրով այցելել է Ադրբեջան այն բանի շնորհիվ, որ նրա անվան գրության մեջ տառի տարբերություն կա՝ ուկրաինական անձնագրում նա գրված է «Օլեկսանդր»։ Դրանից հետո Ադրբեջանը բլոգերի նկատմամբ հետախուզում էր հայտարարել՝ «Պետական սահմանի մասին» օրենքը խախտելու համար:


Հունվարի 17–ին Բելառուսի դատախազությունը որոշել էր բավարարել Ադրբեջանի պահանջը եւ արտահանձնել Լապշինին Ադրբեջանին։ Իսկ հունվարի 26–ին Մինսկի դատարանը մերժել էր Լապշինի փաստաբանների բողոքը:
Ռուսաստանը եւ Իսրայելը փորձել են հասնել արտահանձնման որոշման չեղարկմանը: Սակայն փետրվարի 7-ի երեկոյան Ալեքսանդր Լապշինին Բաքու են տեղափոխել:


Օրերս հայտնի դարձավ, որ Բաքվի թիվ 1 քննչական մեկուսարանում պահվող  Լապշինի քրեական գործով քննությունն ավարտվել է:

Արցախում տարեկան մինչև 20 տոննա սև խավիար կարտադրվի. վարչապետ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար