Ե՞րբ Մինսկի խումբը կդադարի գոյություն ունենալ

ԵԱՀԿ Մինսկի խումբը կդադարի գոյություն ունենալ դեկտեմբերի 1-ից։ Այս մասին Երևանում հայտարարել է ԵԱՀԿ գործող նախագահ, Ֆինլանդիայի արտաքին գործերի նախարար Էլինա Վալտոնենը:

"Հայաստանի և Ադրբեջանի փոխադարձ որոշման համաձայն՝ ընթանում է ԵԱՀԿ Մինսկի խմբի լուծարման գործընթացը, այն կավարտվի մինչև դեկտեմբերի 1-ը։ ԵԱՀԿ-ն պատրաստ է շարունակել համագործակցությունը Հայաստանի հետ մի շարք ուղղություններով",- ասել է Վալտոնենը։

Նա ողջունել է ընթացող խաղաղության գործընթացը, որակելով այն կարևոր, ապա նշել, որ անհրաժեշտ է շարունակել խոստումնալից քայլերը և հավաստիացրել, որ ԵԱՀԿ-ն պատրաստ է աջակցել գործընթացին։ Նաև աջակցություն է հայտնել Վաշինգտոնյան հանդիպմանը: