Ինչո՞ւ են աղմկում պսևդոարևմտամետները

Telegram-ի հիմնադիր Պավել Դուրովի ձերբակալությունը բազմաթիվ հարցեր է առաջացրել՝ դառնալով միջազգային ԶԼՄ-ների հիմնական թեմաներից մեկը:

Այս թեմային անդրադառնալու դեռ բազմաթիվ առիթներ կունենամ, սակայն այս պահին ավելի էական եմ համարում Դուրովի ձերբակալության հայաստանյան որոշ արձագանքների վրա կենտրոնանալը:

Հայաստանի պսևդոարևմտամետ ճամբարից հնչել են Հայաստանում Telegram-ը արգելափակելու կոչ- պահանջներ:
Այս մարդիկ, ովքեր իրենց կոչում են արևմտամետներ, իրականում արևմտյան արժեհամակարգի հետ որևէ առնչություն չունեն և սովորական էպատաժային «գրդոնչիներ» են, որոնք պատրաստ են պաշտպանել ցանկացած այլանդակություն, որը կանեն արևմտյան նեոլիբերալ շահախմբերը(նույնիսկ անտեսելով այն փաստը, որ Դուրովը լուրջ խնդիրներ ուներ նաև Պուտինի իշխանության հետ):

Հատուկ մեր պսևդոարևմտամետների համար տեղեկացնեմ, որ այն մեղադրանքները, որ ներկայացված են Դուրովին, հանգիստ կարող են ներկայացվել նաև իրենց սիրելի Ցուկերբերգին, որովհետև, որովհետև Instagram-ում երեխաներին էկսպլուատացիայի լուրջ խնդիր կա:

Ի դեպ, այս նույն հատկանիշներով Դուրովը չէր կարող ձերբակալվել մեր պսևդոարևմտամետների սիրած ԱՄՆ-ում: Այդ երկրի Հեռուստակոմունիկացիաների մասին օրենքի «230 գլուխը» հստակ սահմանում է, որ պրովայդերի կամ սերվիսի տերը պատասխանատվություն չի կրում իր հարթակում ինֆորմացիայի այլ մատակարարների համար:

Բայց սա մեր «եվրոնիկոլներին» չի հետաքրքրում:

Նրանք քծնում են Արևմուտքին ու Նիկոլին, ի դեպ՝ միայն իրենց հայտնի «լիբերալիզմով» հող նախապատրաստելով Հայաստանում ԶԼՄ-ների, սոցիալական ցանցերի նկատմամբ պետական ռեպրեսիվ վերահսկողության ուժեղացման համար:

Քաղաքագետ Սուրեն Սուրենյանց