ԻԻՀ-ն ընդունելի չի համարում աշխարհագրական սահմանների փոփոխությունը. Խարազի

ԻԻՀ դեսպանատան թելեգրամյան ալիքը հաղորդագրություն է տարածել՝ նշելով, որ ԻԻՀ հոգևոր առաջնորդի խորհրդական, արտաքին հարաբերությունների ռազմավարական խորհրդի նախագահ Քամալ Խարազին Օրբելի կենտրոնում հանդիպել է հայ փորձագետների, մտավորականների հետ:

Հաղորդագրությունում նշվել է, որ Խարազին իր ելույթում, մատնանշելով Իրանի ու Հայաստանի պատմական ու բարեկամական հարաբերությունները և դրանք խորացնելու հարցում Իրանի կամքը, անդրադարձել է Կովկասի տարածաշրջանում ընթացիկ զարգացումներին և համապարփակ վերլուծություն ներկայացնել այս տարածաշրջանի անկայուն իրադրության վերաբերյալ:

«ԻԻՀ-ն աջակցում է այս տարածաշրջանի բոլոր երկրների անկախությանը, ինքնիշխանությանը և տարածքային ամբողջականությանը և որևէ կերպ ընդունելի չի համարում աշխարհագրական սահմանների փոփոխությունը»,- նշել է Խարազին:

Մատնանշելով Կովկասյան տարածաշրջանի տնտեսական հնարավորությունները՝ Խարազին ընդգծել է, որ Իրանը, որպես հյուսիս-հարավ, արևելք-արևմուտք տարանցիկ երթուղիները կապող հանգույց, պատրաստ է իր տնտեսական ու գիտական հնարավորությունները ծառայեցնել այս տարածաշրջանի զարգացմանը: