18.11.2026
ՀՀ ԿԳՄՍՆ-ն ներկայացրել է ԱԲ գործիքների հարթակ մանկավարժների համար
prev Նախորդ նորություն

Օբսիդիանի ապօրինի արդյունահանում Արագածոտնում․ պետությանը պատճառվել է 524 մլն դրամի վնաս

ՆԳՆ քրեական ոստիկանության կազմակերպված հանցավորության դեմ պայքարի վարչության ծառայողները, իրացնելով օպերատիվ տեղեկությունները և համագործակցելով Բնապահպանության և ընդերքի տեսչական մարմնի աշխատակիցների հետ, ձեռք են բերել փաստական տվյալներ, որ սահմանափակ պատասխանատվությամբ մի ընկերություն, խախտելով ընդերքի պահպանման կամ օգտագործման պահանջները, Արագածոտնի մարզի Արագածավան բնակավայրի վարչական տարածքում գտնվող Արտենիի օբսիդիանի հանքավայրում՝ թույլտվությամբ հատկացված սահմաններից դուրս, գյուղատնտեսական նշանակության հողատարածքի վրա իրականացրել է ապօրինի արդյունահանում և արդյունահանված հումքն իրացրել տարբեր իրավաբանական անձանց։


Ապօրինի հանքարդյունահանման հետևանքով պետությանը պատճառվել է առանձնապես խոշոր չափերի՝ շուրջ 524 միլիոն դրամի վնաս, իսկ շրջակա միջավայրին՝ էական վնաս։


Կազմված փաստաթղթերն ուղարկվել են Քննչական կոմիտե։


 

 Լուսանկարը` mfa.am
16.11.2026
Հայաստանն ու Հունաստանը քննարկել են ԵՄ-ի հետ գործընկերությունն ու խաղաղությունը