Լինել պատրաստ փողոց դուրս գալու համար. Անդրանիկ Թևանյանի կոչը

Ինձ հասած տեղեկություններով, վաղը բոլոր տեղամասային տարածքներում ՔՊ-ն վերահաշվարկ է ուզում իրականացնել եւ մի քանի հարյուր ձայնի տարբերությունը ուզում է խլել ժողովրդից: Այս մասին կեսգիշերին հայտարարել է «Մայր Հայաստան» դաշինքի Երեւանի քաղաքապետի թեկնածու Անդրանիկ Թեւանյանը։

«Անկախ նրանից՝ ովքեր են մասնակցել ընտրությանը եւ ովքեր չեն մասնակցել, եթե վաղը հանկարծ  նիկոլենք որոշեն իրենց օգտին վերանայել արդյունքները եւ ժողովրդից գողանալ այն մեկ մանդատը, որի տարբերությամբ իրենք փոքրամասնություն են դարձել, կոչ եմ անում նրանց, ովքեր հատկապես չեն մասնակցել ընտրությանը, դուրս գալ փողոց եւ տեր կանգնել ժողովրդի քվեին»,- ասել է Թեւանյանը։

Նա կոչ է արել քաղաքական, հասարակական բոլոր շրջանակներին լինել պատրաստ՝ դուրս գալ փողոց: