Ադրբեջանն ու Պակիստանը միասնական դիրքերից են հանդես գալիս Ղարաբաղի հարցում

Ադրբեջանի նախագահ Իլհամ Ալիևն ու Պակիստանի վարչապետ Մուհամմադ Նավազ Շարիֆն ընդգծել են երկկողմ առևտրա-տնտեսական կապերն ակտիվացնելու անհրաժեշտությունը:

Ալիևը նշել է, որ Պակիստանը հանդիսանում է Ադրբեջանի ռազմավարական գործընկերներից մեկը ու հավելել, որ երկրները պետք է ընդլայնեն համագործակցությունը զբոսաշրջության, տրանսպորտի, ռազմական արդյունաբերության ոլորտում:

Ըստ նրա, Ադրբեջանն ու Պակիստանը միասնական դիրքերից են հանդես գակիս Քաշմիրի ու Լեռնային Ղարաբաղի հակամարտությունների կարգավորման հետ կապված:

Ալիևի խոսքով, Ադրբեջանը բարձր է գնահատում Պակիստանի դիրքոշումը, որը դիվանագիտական հարաբերություններ չի հաստատում ՀՀ-ի հետ: