29.03.2024
ՀՀ և Ադրբեջանի արտգործնախարարները միմյանցից բողոքել են ՄԽ համանախագահներին
prev Նախորդ նորություն

Նորություններ գործընկերներից

Ադրբեջան-Ղազախստան. Էներգետիկ-տրանսպորտային միջանցք

2016 թվականի հունվար-օգոստոս ամիսներին Ադրբեջանի տարածքով դեպի Բաթումիի նավթային տերմինալ տեղափոխված ղազախական նավթի քանակը կազմել է 1,6 միլիոն տոննա: Այդ մասին նշված է ղազախա-ադրբեջանական տնտեսական զարգացման միջկառավարական հանձնաժողովի տարածած հաղորդագրության մեջ,փոխանցում է КазТАГ-ը:

2015 թվականի ադրբեջանական տարածքով դեպի Բաթումիի է տարանցվել 2,9 տոննա ղազախական նավթ ու նավթամթերք:
Ղազախական կողմն առաջարկել է ադրբեջանական նավթային պետական ընկերությանը մասնակցել մերձկասսպան Եվրասիա իջվածքի հետազոտությանը: Աստանան նաև Բաքվից խնդրել է նվազեցնել Բաքու-Աքթաու ուղղությամբ լաստանավերով բեռնատար ավտոմեքենաների տեղափոխության սակագները:

Մինչ այս, Աստանայում Ղազախստանի, Ադրբեջանի ու Վրաստանի երկաթգծերի ղեկավարները քննակել են երեք երկրների տարածքով նավթամթերքների, ցորենի, մետաղների տեղափոխության համար նպաստավոր սակագների սահմանումը:

Ադրբեջանի երկաթգծերի ղեկավարի տեղակալ Իգբալ Հուսեյնովը հայտարարել է, որ իրենք պատրաստ են նպաստավոր պայմաններ ստեղծել ապրանքների համար՝ Ադրբեջանի տարածքով դրանք դեպի Վրաստան ու Թուրքիա տեղափոխելու համար, փոխանցում է khabar.kz-ը:

Աշնանը նախատեսվում է Ղազախաստանի նախագահ Նուրսուլթան Նազարբաևի այցը Ադրբեջան: Ղազախաստանի Մեջլիսի պատգամավոր, նախագահի աշխատակազմի նախկին գլխավոր փորձագետ Քամալ Բուրհանովը նշել է, որ այդ այցը շատ կարևոր է երկկողմ կապերի հետագա ամրապնդման համար:

Ըստ նրա, Ղազախստանն ու Ադրբեջանը սերտորեն կապված են տնտեսական, աշխարհաքաղաքական և պատմական առումներով: Ղազախաստանն իր նավթը Բաքվով տեղափոխում է Բաթումի ու այդ հարցով Ադրբեջանը շատ է օգնում Ղազախաստանին:
Աբդուլ Համիդից սովորելու շատ բան ունենք. Էրդողան
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար