Նիկոլ Փաշինյանը քաղաքական ռեպրեսիաների չեմպիոնն է. Գևորգ Պետրոսյան

Հայաստանի վարչապետ Նիկոլ Փաշինյանը քաղաքական ռեպրեսիաների ջատագով է. Այս մասին այսօր՝ մայիսի 18-ին, ասաց նախկին պատգամավոր, փաստաբան Գեւորգ Պետրոսյանը՝ խոսելով Ավետիք Չալաբյանի ձերբակալության, պրոդյուսեր Արմեն Գրիգորյանի և մահացած զինծառայող Գարիկ Գալեյանի հոր կալանավորման մասին։


Ըստ Պետրոսյանի՝ կալանավորված պրոդյուսեր Արմեն Գալոյանին մեղադրանք է առաջադրվել «գնահատողական դատողության» հիման վրա։ Իսկ Վճռաբեկ դատարանի նախադեպային իրավունքի համաձայն՝ գնահտողական դատողությունները չեն կարող հիմք հանդիսանալ մեղադրանք առաջադրելու համար։ Հետեւաբար, հիմա խոսքն ակնհայտ ապօրինի կալանքի մասին է։


«Նիկոլ Փաշինյանը քաղաքական ռեպրեսիաների չեմպիոն է, հանուն իշխանություն պահելու պատրաստ է ցուցումներ տալ՝ ձերբակալել ցանկացածին, անգամ իր հարազատներին ու ընտանիքի անդամներին»,- կարծում է Պետրոսյանը։


Նա նշեց, որ Քրեական օրենսգրքում գործող իշխանության բոլոր նորամուծությունները կիրառվում են բացառապես իշխանության ընդդիմախոսների դեմ։ Չկա որևէ դեպք, երբ իշխանության ներկայացուցիչները պատասխանատվության ենթարկվեն ատելություն հրահրելու, բռնության հրահրման կամ «ծանր վիրավորանք» հոդվածներով»,- ասաց Պետրոսյանը՝ որպես օրինակ բերելով Փաշինյանի հայտարարությունները, որոնք կարող էին տեղավորվել այդ հոդվածների հատկանիշների տակ։


Նա նաև ընդգծեց, որ ձերբակալությունների տեսքով կանխարգելիչ միջոցներ են կիրառվում նաև միայն այն դեպքերում, երբ խոսքը իշխող թիմի ներկայացուցիչների կամ նրանց շրջապատի անդամների մասին չէ։


«Այսինքն՝ մենք ապրում ենք բացառիկ բռնապետության մեջ։ Հայաստանը բռնապետության, ոչ թե ժողովրդավարության ամրոց է, ինչպես պնդում են իշխանությունները»,- ասաց նա։

Տպել

Թեմայի այլ նորություններ
Загрузка...