Իշխանափոխությունից հետո լրջագույն խնդիրն է լինելու հասարակական ինժեներիայի իրականացումը

Հայաստանում արժանավորների ազգային իշխանության հաստատումից հետո լրջագույն խնդիրներից մեկը լինելու է հասարակական ինժեներիայի իրականացումը։ Այդ մասին Տելեգրամի իր ալիքում գրել է իրանագետ Վարդան Ոսկանյանը:


«Հարյուրամյակներով ազգային պետականության բացակայությունը հանգեցրել է նրան, որ մեր հասարակության մի հատվածի մոտ ձևավորվել է սեփական պետականության հանդեպ պատասխանատվության բացակայության վնասակար հատկանիշ և այլոց պետականության շրջանականերում որպես համայնք գոյատևելու «հարմարավետության» վերաբերյալ կեղծ մտայնություն։


Հայությունն Առաջավոր Ասիայի փոթորկուն ծովում հազարամյակների խորքից սեփական պետականություն և թեկուզ համեմատաբար կարճատև, սակայն նույնիսկ հայկական կայսրություն կերտած ազգերի թվում է, ուստի մեզ վայել չէ, իսկ գոյութենական իմաստով նաև հակացուցված է համայնք լինելով բավարարվելը, քանզի հայության հետագա գոյությունը և զարգացումը ապահովել ունակ է միայն և բացառապես հայկական պետականությունը իր այժմյան երկու հանգրվանային բաղադրիչներով՝ Հայաստանի և Արցախի հանրապետություններով։


Սա պետք է գիտակցի յուրաքանչյուր հայ և հայաստանցի, և այդ գիտակցությունը պետք է սերմանի ու խթանի հենց ազգային պետությունն իր ողջ գործիքակազմով և ինստիտուտներով», - ասված է նրա գրառման մեջ։


 


 


 


 

Տպել

Թեմայի այլ նորություններ
Загрузка...