Հայաստանի և Ռուսաստանի միջև ստորագրվելիք փաստաթղթերի մի ամբողջ փաթեթ. Կրեմլ

Նիկոլ Փաշինյանի Մոսկվա այցի ընթացքում փաստաթղթերի մի ամբողջ փաթեթ կստորագրվի: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։

Նա հիշեցրել է, որ Փաշինյանը երեքշաբթի կհանդիպի ՌԴ նախագահ Վլադիմիր Պուտինի հետ։ «Այնուհետև Փաշինյանը նախատեսում է շատ ինտենսիվ շփումներ ունենալ Ռուսաստանի կառավարության մակարդակով, այնտեղ փաստաթղթերի մի ամբողջ փաթեթ կստորագրվի»,- ասել է Պեսկովը։

Նշենք, որ վարչապետ Փաշինյանը երկօրյա պաշտոնական այցով ժամանել է Մոսկվա։