Ղազախստանից ՀԱՊԿ-ի խաղաղապահ զորակազմի դուրսբերումը կսկսվի հունվարի 13-ին. Տոկաև

Ղազախստանի նախագահ Կասիմ-Ժոմարտ Տոկաեւը հայտարարել է, որ ՀԱՊԿ-ի խաղաղապահ զորակազմի դուրսբերումը Ղազախստանից կսկսվի հունվարի 13-ին:

«Հինգշաբթի սկսվում է ՀԱՊԿ խաղաղապահ զորակազմի կազմակերպված դուրսբերումը», - ասել է Տոկաեւը:

Ընդ որում, նա ՀԱՊԿ առաքելությունը գնահատել է «շատ հաջող»։

2022 թվականի հունվարի 6-ին ընդունված ՀԱՊԿ Հավաքական անվտանգության խորհրդի որոշմանը համապատասխան, Ղազախստան սահմանափակ ժամանակով իրադրության կայունացման եւ կարգավորման համար ուղարկվել են ՀԱՊԿ Հավաքական խաղաղապահ ուժեր:

Խմբավորման կազմում ընդգրկված են Ռուսաստանի, Բելառուսի, Հայաստանի, Տաջիկստանի եւ Ղրղզստանի զինված ուժերի ստորաբաժանումները: Ներկայումս ռուսական ստորաբաժանումների հիմնական խնդիրը Ալմաթիի շրջանում հիմնական ռազմավարական օբյեկտների պաշտպանության տակ վերցնելն է: