Ուկրաինան պնդում է, որ Իրանի կողմից մեղքի լիարժեք ճանաչում լինի ուկրաինական ինքնաթիռի կործանման համար: Այս մասին շաբաթ օրը հայտարարել է Ուկրաինայի նախագահ Վլադիմիր Զելենսկին: «Առավոտը բարի չէր, բայց այն բացահայտեց ճշմարտությունը: Նախքան միջազգային հանձնաժողովի կողմից աշխատանքի ավարտը Իրանը խոստովանեց իր մեղքը, որ հրթիռակոծել է ուկրաինական ինքնաթիռը: Բայց մենք պնդում ենք մեղքի լիարժեք ընդունումը: Հավաստիացում, որ ամբողջական հետաքննություն կանցկացվի, մեղավորները լիարժեք պատասխանատվության կենթարկվեն, մահացածների մարմինները կվերադարձվեն, փոխհատուցում կլինի, դիվանագիտական խողովակներով պաշտոնական ներողություն կխնդրեն», - ասել է Զելենսկին: Նա նաև հույս է հայտնել, որ «հետաքննությունը կշարունակվի առանց արհեստական ձգձգումների և խոչընդոտների»:
