Ամերիկացիների կողմից Իրանի Ալ-Ղոդս հատուկ նշանակության ջոկատի ղեկավար գեներալ-լեյտենանտ Քասեմ Սուլեյմանիի սպանությունն ուժեղացնում է Թուրքիայի դիրքերը Մերձավոր Արևելքում: Այդ մասին հայտարարել է թուրք փորձագետ Թահա Օժանը: Ըստ նրա, հաշվի առնելով Սուլեյմանիի առանցքային դերակատարումը Մերձավոր Արևելքում իրանական ցանցի ստեղծման հարցում, նրա մահը փոխում է Իրաքում, Սիրիայում և Եմենում պրոքսի-պատերազմների ճակատագիրը: Նրա խոսքով, դա կարող է թուլացնել Իրանի ազդեցությունն իր սահմաններից դուրս: Նա նշել է, որ Իրանի պրոքսի-ցանցի թուլացումը Մերձավոր Արևելքում բխում է Թուրքիայի շահերից:
