Պաշտոնական վերջին վիճակագրության համաձայն, Իրանում կորոնավիրուսից մահացել է 8 մարդ, վարակվածների թիվը հասել է 43-ի: Այդ մասին հայտնում է IRNA գործակալությունը: Նախօրեին Իրանի նախագահ Հասան Ռոհանին հայտարարեց, որ երկրի զինված ուժերը ներգրավված կլինեն կորոնավիրուսի դեմ պայքարում. «Թեհրանը կփորձի հաղթահարել այն նվազագույն կորուստներով: Բոլոր պետական մարմինները, զինված ուժերը, հասարակական կազմակերպությունները անհրաժեշտ միջոցներ կձեռնարկեն հասարակության առողջության համար»,- հայտարարել է երկրի ղեկավարը: Նշվում է, որ Իրանի որոշ նահանգներում համալսարաններն ու դպրոցները, որտեղ մեծ է կորոնավիրուսների բռնկման ռիսկը, փակ կլինեն առաջիկա մի քանի օրերի ընթացքում: Իշխանությունների որոշմամբ՝ չեն անցկացվելու սպորտային միջոցառումներ, իսկ գալիք օրերին թատրոններն ու կինոթատրոնը կփակվեն: Փակ են նաև որոշ թանգարաններ:
