Իսլամական հեղափոխության պահապանների կորպուսը «թշնամուց ավելի դաժան վրեժ կլուծի»: Այս մասին հայտարարել է Իրանի Զինված ուժերի Գլխավոր շտաբի անվտանգության բաժնի պետ Աբդոլլահ Արագին, գրում է ՏԱՍՍ-ը: «ԻՀՊԿ-ն, փաստորեն, Իրանի ղեկավարության ամենաուժեղ սպառազինություններից մեկն է եւ մոտ ապագայում թշնամուց ավելի դաժան վրեժ կլուծի»,- ասել է Արագին՝ չմանրամասնելով, թե կոնկրետ ի՞նչ թշնամիների մասին է խոսքը: Հիշեցնենք, իրավիճակը Մերձավոր Արևելքում կտրուկ սրվել է հունվարի 3-ին, երբ Իրաքում ամերիկյան հատուկ գործողության հետեւանքով սպանվեց գեներալ Ղասեմ Սոլեյմանին: Իրաքի արեւմուտքում տեղակայված Այն ալ-Ասադ ռազմաբազան, որտեղ կենտրոնացած են ամերիկյան զինվորականները, Իրանի կողմից երեկ ենթարկվեց հրթիռային հարվածների: Արդեն այսօր ՄԱԿ-ում Իրանի մշտական ներկայացուցիչ Մաջիթ Թախտ-Ռավանչին հայտարարեց, որ Իրանն ավարտել է իր վրեժը գեներալ Ղասեմ Սոլոյմանիի սպանության համար եւ նոր ռազմական գործողություններ այլեւս չի ծրագրի, եթե ԱՄՆ-ը վերջ տա Իրանի դեմ ագրեսիային:
