Թուրքիայի նախագահ Թայիփ Էրդողանը հայտարարել է, որ մոտ ժամանակներս թուրքական պատվիրակությունը կուղեւորվի Ռուսաստան՝ ռուս գործընկերների հետ քննարկելու Լիբիայի եւ Սիրիայի իրադրությունը: «Մենք Ռուսաստանի նախագահ Վլադիմիր Պուտինի հետ հանձնարարություն ենք տվել: Դրա շրջանակում արտաքին գործերի փոխնախարարը, ազգային պաշտպանության փոխնախարարը, ինչպես նաեւ հետախուզության եւ ազգային անվտանգության ներկայացուցիչները մոտ ժամանակներս այցով կուղեւորվեն Մոսկվա: Մենք պայմանավորվել ենք, որ քննարկվելու են Լիբիան եւ Սիրիան»,-նշել է նա:
