Վարչապետ Նիկոլ Փաշինյանի հայտարարությունները՝ Ադրբեջանի հետ սպառազինությունների վերահսկման փոխադարձ մեխանիզմի անհրաժեշտության, ինչպես նաև չհարձակման մասին պայմանագիր ստորագրելու մասին, քաղաքական բնույթ են կրում։ Այս մասին ասել է Հայաստանի արտաքին գործերի փոխնախարար Վահան Կոստանյանը։ Նրա խոսքով, եթե այս հայտարարություններին ի պատասխան համապատասխան դրական ազդակներ ստանան, բնականաբար քննարկումները կտեղափոխվեն այլ փուլ։ Կոստանյանը հավաստիացրեց՝ Հայաստանը շարունակում է անկեղծորեն շահագրգռված լինել իր հարևանների հետ հարաբերությունների լիարժեք կարգավորմամբ և խաղաղության պայմանագրի ստորագրմամբ։ «Գիտեք, հունվարի 4-ին մենք ուղարկել ենք հայկական կողմի կողմից փոփոխված համաձայնագրի տեքստի տարբերակը։ Ըստ այդմ, մենք սպասում ենք Ադրբեջանի պատասխանին։ Երեկ հայտարարություններ եղան, որ պատասխանը կտրվի մի քանի շաբաթվա ընթացքում»,- ասաց փոխնախարարը։
