Հայաստանում կմիավորվեն ՆԳՆ-ի երկու առանցքային ուսումնական հաստատություններ

Հայաստանի կառավարությունը որոշում է կայացրել Ոստիկանության կրթահամալիրը և Ճգնաժամային կառավարման պետական ակադեմիան միավորել Ներքին գործերի նախարարության (ՆԳՆ) հովանու ներքո:

Սեպտեմբերի 12-ին կառավարության նիստում հայտնել է ՆԳ նախարարի տեղակալ Արփինե Սարգսյանը հայտնել է, որ միավորումը թույլ կտա ստեղծել մեկ միասնական կրթահամալիր, որն ավելի արդյունավետ կիրականացնի նախարարության քաղաքականությունը թե՛ ոստիկանների, թե՛ փրկարար ծառայողների պատրաստման ոլորտում: Նախատեսվում է, որ նոր համալիրը տեղակայված կլինի Ակադեմիական քաղաքում:

Վարչապետ Նիկոլ Փաշինյանը նշել է, որ խոսքը շատ լուրջ հայեցակարգային փոփոխությունների մասին է, որոնք պետք է կիրառել նաև բանակում, ԱԱԾ-ում և ՓԾ-ում: Նրա խոսքով, այս որոշումը միտված է մասնագիտության լրջացմանը. «Պատկերավոր ասած՝ շարքայինից գեներալ դառնալու ճանապարհին ՆԳՆ ակադեմիան պետք է ոստիկանին, ոստիկանության ծառայողին և փրկարարին ուղեկցի»:

ԿԳՄՍ նախարար Ժաննա Անդրեասյանը նշել է, որ այս որոշումը բուհերի միավորման գործընթացի մի մասն է և կդյուրացնի Ակադեմիական քաղաքում սպայական կլաստեր ստեղծելու աշխատանքները: