Հուլիսի 14-ի երեկոյան Աղդամի (Ակնա) շրջանում սպանվել է Ադրբեջանի զինված ուժերի զինծառայող, ավագ լեյտենանտ Մամմադով Թողրուլ Սայյադ օղլուն (Məmmədov Toğrul Səyyad oğlu): Այս մասին հայտնում է Ադրբեջանի պաշտպանության նախարարության կայքը: Համաձայն ՊՆ հաղորդագրության՝ զինծառայողը սպանվել է «հայկական կողմի դիպուկահարի կրակոցից»: Նշենք, որ ԼՂՀ ՊՆ մամուլի ծառայությունն այսօր տեղեկացրել էր, որ հուլիսի 14-ին` ժամը 22:45-ի սահմաններում, շփման գծի արևելյան (Ակնա) ուղղությամբ դիտարկվել են հակառակորդի մի խումբ զինծառայողների առաջխաղացման փորձ, որը կանխվել է:
