Երեւանի կենտրոնում իրավիճակը լարված է․ ապամոնտաժում են Օպերայի շրջակայքի սրճարանները

Երեւանի քաղաքապետարանը սկսել է ապամոնտաժել Օպերայի հարակից տարածքում գործող սրճարանները։ Նշվում է, որ այս պահին ապամոնտաժում են Ատլանտիկ սրճարանի մի մասը:

Ապամոնտաժման աշխատանքները վերահսկում են քաղաքապետարանի աշխատակիցները։ Իրավիճակը լարված է։ Տեղում են նաեւ մեծ թվով ոստիկաններ։ Տեղում է նաեւ Երեւանի Կենտրոն համայնքի թաղապետ Վիկտոր Մնացականյանը։

Սրճարանների սեփականատերերն ու աշխատակիցները պահանջում են, որ օպերայի տարածք գա ՀՀ վարչապետ Նիկոլ Փաշինյանը։