Արդարադատության նախարարի պաշտոնից հեռացող Արփինե Հովհաննիսյանը, նախարարի կարգավիճակում վերջին անգամ մասնակցելով գործադիրի նիստին, այսօր հայտարարեց, որ կոռուպցիայի դեմ պայքարում հեղափոխական նորամուծություն է արվում: Մասնավորապես, Հայաստանում ներդրվում է ազդարարման ինստիտուտը, ինչը նշանակում է, որ կստեղծվի միասնական էլեկտրոնային հարթակ, որը հնարավորություն կընձեռի քաղաքացուն անանուն կերպով կոռուպցիոն բնույթի դեպքի մասին իր ունեցած տեղեկատվությունը ազդարարել իրավասու պետական մարմնին: Արփինե Հովհաննիսյանը տեղեկացրեց, որ ՀՀ քրեական դատավարության օրենսգրքով նախատեսվել է նաև ազդարարների պաշտպանության երաշխիքներ՝ այն նույն երաշխիքները, որոնք տրամադրվում են քրեական դատավարությանը մասնակցող անձանց: Ըստ նախարարի, այս ինստիտուտի ներդրումը իսկապես հեղափոխական քայլ է հակակառուպցիոն փաթեթի շրջանակում:
