Սիրիայի Արաբական Հանրապետությունում հումանիտար առաքելություն իրականացնող հայ մասնագետների խմբի սակրավորները փետրվարի 19-ից մինչեւ մայիսի 10-ը տեխնիկական հետազոտության եւ մաքրման աշխատանքների ժամանակ 25860 քմ տարածք են ականազերծել: Այս մասին ասված է Հումանիտար Ականազերծման եւ Փորձագիտական Կենտրոն ՊՈԱԿ–ը Facebook-յան իր էջում։ «Հումանիտար առաքելության բժիշկները վիրաբուժական օգնություն են ցուցաբերել 241 հիվանդի, թերապեւտիկ բնույթի բուժօգնություն է ցուցաբերվել 534 քաղաքացու, կլինիկալաբորատոր հետազոտությունների թիվը 959 է: Օրեր առաջ կայացել է հայ բժիշկների եւ Սիրիահայ Օգնության Խաչի շրջանային վարչության անդամների հանդիպումը: Հայկական խմբի մարդասիրական գործունեությունը շարունակվում է»,- ասված է հաղորդագրության մեջ:
