Դիլետանտիզմի դեմ բողոքող Սարհատ Պետրոսյանն ազատվեց Կադաստրի կոմիտեի ղեկավարի պաշտոնից

Հայաստանի կառավարությունն այսօր ընդունեց Սարհատ Պետրոսյանին Կադաստրի կոմիտեի ղեկավարի պաշտոնից ազատելու որոշումը:

Հիշեցնենք, Սարհատ Պետրոսյանն այս պաշտոնում նշանակվել էր 2018 թվականի օգոստոսին:

Ավելի վաղ նա դիմել էր վարչապետ Նիկոլ Փաշինյանին՝ իրեն Կադաստրի կոմիտեի ղեկավարի պաշտոնից ազատելու համար։ Facebook-ի իր էջում նա գրել էր, որ այլևս չի կարող հանդուրժել դիլետանտիզմն ու կոռումպացվածության հասնող թայֆայականությունը: Նա նաև նշել էր, որ քաղաքաշինության բնագավառում հետընթաց կա: