Սենատում բանաձև անցկացնելն անհամեմատ ավելի բարդ է լինելու

Արսեն Բաբայանի մերձավոր հարազատների հետ տեսակցությունների արգելքը հանվել է. ՀՔԾ

31.10.2019

Ազգային ժողովի աշխատակազմի ղեկավարի նախկին տեղակալ Արսեն Բաբայանի մերձավոր հարազատների հետ տեսակցությունների արգելքը հանվել է: Այս մասին տեղեկացնում են ՀՔԾ լրատվական ծառայությունից:

Նշվում է, որ Արսեն Բաբայանը կարող է տեսակցել իր անչափահաս երեխաների հետ՝ նրանց մայրիկի ուղեկցությամբ:

Ավելի վաղ ՀՔԾ պետ Սասուն Խաչատրյանը լրագրողների հարցերին պատասխանելիս թյուրիմացություն էր համարել այն, որ քննիչի որոշմամբ արգելվել է Բաբայանի տեսակցությունը անչափահաս երեխաների, մերձավորների հետ:

Հիշեցնենք, Արսեն Բաբայանը մեղադրվում է պաշտոնեական կեղծիք կատարելու ու իշխանության յուրացմանն օժանդակելու համար: ԱԺ աշխատակազմի ղեկավարի նախկին տեղակալ Բաբայանը ձերբակալվել է հոկտեմբերի 21–ին: