Այսօր իրականացված խուզարկությունների արդյունքում ձերբակալված ՀՅԴ անդամներին տեղափոխում են Երևանի քննչական վարչություն, որը գտնվում է Պարույր Սևակ փողոց 4 հասցեում։ Դեպքի վայր են մեկնում նաև ՀՅԴ Հայաստանի Գերագույն մարմնի անդամներն ու Ազգային ժողովի «Հայաստան» խմբակցության պատգամավորները՝ հետևելու ընթացքին և իրենց աջակցությունն հայտնելու կուսակիցներին։ ՀՅԴ Հայաստանի Գերագույն մարմնի անդամ, ԱԺ «Հայաստան» խմբակցության պատգամավոր Քրիստինե Վարդանյանը դիմել է լրատվամիջոցներին՝ կոչ անելով մոտենալ քննչական վարչության շենքին և լուսաբանել զարգացումները։ Այս պահի դրությամբ ձերբակալությունների մանրամասները պաշտոնապես չեն հաղորդվում։
