Իրաքի բանակի հակաահաբեկչական ստորաբաժանումները սկսել են Մոսուլի գրոհը, որը երկու տարուց ավելի է վերահսկում են «Իսլամական պետության» գրոհայինները: Հատուկ ջոկատայինները քաղաք են մտել արևելյան մասից` Էլ Քարամա թաղամասից, գրում է Al Arabiya: Ավելի վաղ ԶՈւ հրամանատարությունը հայտարարել էր Մոսուլը 3 ուղղությունից գրոհելու մասին` Իրաքի բանակի 9-րդ զրահատանկային դիվիզիայի, 16-րդ հետևակի դիվիզիայի, 3-րդ հետևակային գումարտակի, ինչպես նաև հակաահաբեկչական ստորաբաժանումների մասնակցությամբ:
