Կառավարության այսօրվա նիստում վարչապետ Նիկոլ Փաշինյանը հայտարարեց, որ քննարկվող հարցերի օրակարգում առաջարկում է ավելացնել Պետական եկամուտների կոմիտեի նախագահի հրաժարականի հարցը:«Ընդգրկել նիստի օրակարգում ՊԵԿ նախագահի հրաժարականի հարցը ու ՊԵԿ նոր նախագահի նշանակաման հարցը», - ասաց վարչապետ Փաշինյանը: Որոշում կայացվեց ՊԵԿ նախագահի պաշտոնում նշանակել Դավիթ Անանյանին: «Դավիթ Անանյանը ֆինանսների նախարարի տեղակալ է եղել, և ես նրան առաջարկում եմ ՊԵԿ նախագահի պաշտոնը», - ասաց Նիկոլ Փաշինյանը: