ՀՀ երկրորդ նախագահ Ռոբերտ Քոչարյանը հետվիրահատական բուժզննում է անցել Երևանի «Իզմիրլյան» բժշկական կենտրոնում։ Քոչարյանի գրասենյակի ղեկավար Վիկտոր Սողոմոնյանը հայտնել է, որ երկրորդ նախագահն առաջիկա օրերին մնալու է բժշկական կենտրոնում, քանի որ որոշվել է շարունակել նրա ռեաբիլիտացիան ստացիոնար պայմաններում։ Հիշեցնենք, Ռոբերտ Քոչարյանին վիրահատել են հոկտեմբերի 9–ին «Իզմիրյան» բժշկական կենտրոնում։ Ավելի ուշ Քոչարյանի որդին` Լևոն Քոչարյանը, հայտնել էր, որ հոր մոտ ուռուցք է եղել, որն էլ վիրահատել են։
