Միացյալ Նահանգների Պետքարտուղարության պաշտոնական ներկայացուցիչ Նեդ Փրայսը Twitter-ի իր միկրոբլոգում ողջունել է հայ ռազմագերիների տուն վերադարձը։ «Մենք ողջունում ենք հայ ռազմագերիների հայրենիք վերադառնալու լուրը, որը դրական զարգացում է Հայաստանի և Ադրբեջանի միջև խաղաղ գործընթացի համար։ Հուսով ենք, որ մնացած բոլոր պահվողները շուտով կվերադառնան տուն և որ Ադրբեջանն ու Հայաստանը կշարունակեն քայլեր ձեռնարկել վստահության ձևավորման և առկա տարաձայնությունները լուծելու համար»,- գրել է Փրայսը:
