Ռուսական խաղաղապահ զորախմբի հրամանատար, գեներալ-մայոր Անդրեյ Վոլկովը հանդիպել է Արցախի հասարակական եւ ընդդիմադիր ուժերի ներկայացուցիչների հետ։ Այս մասին տեղեկանում ենք ռուս խաղաղապահների Telegram ալիքից․ «Հանդիպման ընթացքում գեներալ-մայոր Անդրեյ Վոլկովը բացատրել է խաղաղապահ զորախմբի դիրքորոշումը տեղի ունեցող իրադարձությունների վերաբերյալ, տեղեկացրել կատարված աշխատանքների մասին, ինչպես նաեւ վստահեցրել, որ Ռուսաստանի Դաշնությունը կձեռնարկի բոլոր միջոցները՝ իրավիճակի հետագա սրումը կանխելու համար»,- ասված է հաղորդագրության մեջ։
