Արարատ Միրզոյանի բողոքից հետո ՀԿ-ն նրան հեռուստացույց է նվիրել

Ազգային Ժողովի դարպասների մոտ ժապավենով հեռուստացույց է դրված՝ նվեր ԱԺ նախագահ Արարատ Միրզոյանին:

Վերջինս երեկ խորհրդարանում հայտարարել է, որ «էն օրը գնացի հեռուստացույց ապառիկով վերցնեմ, չտվեցին, հարկադիրը կալանք էր դրել իմ հաշվին: Չվճարած տուգանք ունեի»: Այս հայտարարությունն արվեց վարչապետ Նիկոլ Փաշինյանի այն հայտարարությունից հետո, թե  լվացքի մեքենայի վարկը մինչեւ հիմա չեն մարել:

«Ես և իմ ընկեր Գարեգին Պետրոսյանը Այլընտրանք հարասարակական կազմակերպության անունից մեր նվերն ենք տվել Արարատ Միրզոյանին:

Նմանատիպ փոքր հոգսերը մենք միշտ կվերցնենք մեզ վրա, որպեսզի նրանք ժամանակ ունենան զբաղվելու պետության ծանր հոգսերով»,- հրապարակելով լուսանկարը Facebook-ի իր էջում գրել է Նարեկ Մանթաշյանը։

Նշենք, որ Արարատ Միրզոյանի աշխատավարձը կազմում է ամսական 1 մլն 190 հազար դրամ: