Ոստիկանություն. Ուկրաինայի քաղաքացին Երևանի կենտրոնում ցույցի ժամանակ փորձել է սադրանքի դիմել

Ուկրաինայի քաղաքացին Երևանի կենտրոնում բողոքի ցույցի ընթացքում փորձել է սադրանք իրականացնել: Այդ մասին լրագրողներին հայտնել է ՀՀ փոխոստիկանապետ Հունան Պողոսյանը: Պատասխանելով այն հարցին, թե ինչպես են նրանք կարողացել հայտնաբերել սադրիչին, փոխոստիկանապետը կարճ պատասխանել է, որ իրենք դրա համար գումար են ստանում:

Նա հավելել է, որ ոստիկանները կոչ են արել Ուկրաինայի քաղաքացուն լքել տարածքը: Ընդհանուր առմամբ, Պողոսյանի խոսքով, ի տարբերություն ակցիայի այլ օրերի, շատ ցուցարարներ սկսել են ոստիկանների նկատմամբ իրենց ավելի ագրեսիվ պահել: «Մենք շարունակաբար իրականացնում ենք բոլոր ձեռք բերված պայմանավորվածությունները և պահանջում ենք, որ ակցիայի մասնակիցները նույն կերպ վարվեն: Մենք ցանկացած պահին կարող են կանխել ակցիան և այդ պատճառով ձեր շարքերից մաքրեք սադրիչներին», - նշել է Պողոսյանը՝ դիմելով ցուցարարներին:

Փոխոստիկանապետն ասել է, որ քանի դեռ ցույցը կրում է խաղաղ բնույթ, ոստիկանությունն ուժ չի գործադրելու: Մեկնաբանել է Պողոսյանը նաև ամերիկյան ու բրիտանական դեսպանատների հայտարարությունները, ինչպես նաև միջազգային իրավապաշտպան կազմակերպությունների հայտարարությունները հունիսի 23-ին՝ ոստիկանության կողմից ոչ համաչափ ուժի կիրառման մասին: Նա նշել է, որ չի կարող լուրջ վերաբերվել այն կարծիքներին, որոնք հնչել են միջադեպից մի քանի ժամ անց, առանց պատճառները պարզելու, առանց տեղի ունեցածի մանրամասները մանրակրկիտ ուսումնասիրելու:

ՀՀ ոստիկանությունը հունիսի 23-ի առավոտյան, նախազգուշացումներից հետո ուժի կիրառմամբ ցրեց էլեկտրաէներգիայի թանկացման դեմ ուղղված ակցիան: Այն տեղի էր ունենում Երևանի կենտրոնում՝ Մարշալ Բաղրամյանի պողոտայում, նախագահի նստավայրից ոչ հեռու: Խաղաղ ցուցարարների նկատմամբ ոստիկանության կողմից հատուկ գործողության ընթացքում կիրառվել են ջրցան մեքենաներ: Ոստիկանություն է տեղափոխվել Ոչ թալանին շարժման 237 մասնակից, որոնք դեմ էին արտահայտվում էլեկտրաէներգիայի թանկացմանը: Նրանց հաջորդ օրն ազատ են արձակել:

Սակայն ակցիան շարունակվել է: Այս պահի դրությամբ ցուցարարները գրավել են Բաղրամյանի պողոտայի նույն դիրքերը, աղբամաններից սահմանազատիչ պատ են կառուցել և ոստիկանության ղեկավարության հետ բանակցություններ են վարում՝ էլեկտրաէներգիայի թանկացման հետ կապված հակամարտությունը կարգավորելու համար: