ՌԴ-ին առանձնապես տեղյակ չեն պահել ԼՂ-ն Ադրբեջանի կազմում ճանաչելու մասին. Պուտին

Ռուսաստանին առանձնապես տեղյակ չեն պահել Լեռնային Ղարաբաղը Ադրբեջանի կազմում ճանաչելու Հայաստանի ղեկավարության որոշման մասին, ասել է ՌԴ նախագահ Վլադիմիր Պուտինը։

Նրա խոսքով, ոչ թե Ռուսաստանը լքեց Ղարաբաղը, այլ Հայաստանն ընդունեց, որ Ղարաբաղը Ադրբեջանի կազմում է։

«Իրենք դա արել են, ըստ էության, սեփական նախաձեռնությամբ, և մենք առանձնապես տեղեկացված չենք եղել, որ պատրաստվում են նման որոշում կայացնել»,- ամփոփելով տարին՝ ասաց ՌԴ նախագահը։

Պուտինը նշել է, որ իր հայտարարությունը «պարզապես փաստի արձանագրում է»։