ՌԴ Պետդումայում մտադիր են քննարկել Դոնեցկի և Լուգանսկի անկախության ճանաչման նախագիծը

Ինքնահռչակ Դոնեցկի և Լուգանսկի ժողովրդական հանրապետությունների անկախությունը ճանաչելու մասին ՌԴ նախագահ Վլադիմիր Պուտինին դիմելու նախագիծը մտադիր են քննարկել հաջորդ շաբաթվա սկզբին Պետդումայի խորհրդում: Այս մասին "ՌԻԱ Նովոստի"-ին հայտնել Է ՌԴ կոմկուսի առաջնորդ Գենադի Զյուգանովը:

Ավելի վաղ Պետդումայում ՌԻԱ Նովոստիի աղբյուրը հայտնել էր, որ ՌԴ նախագահին Լուգանսկի եւ Դոնեցկի ժողովրդական հանրապետությունների անկախությունը ճանաչելու մասին դիմելու վերաբերյալ որոշումը կարող է ընդունվել Պետդումայի Խորհրդի փետրվարի 14-ին:

"Այժմ պատրաստվում են հաջորդ շաբաթվա սկզբին քննարկել։ Սկզբում Դումայում խորհրդում, հավանաբար, կլինեն՝ կհավաքվեն առաջնորդները, կքննարկեն, հետո արդեն կդիտարկենք անմիջապես կոմիտեներում եւ հետո՝ արձանագրությանը համապատասխան", - ընդգծել է քաղաքական գործիչը։

Ավելի վաղ ՌԴ Կոմկուսի պատգամավորները ՌԴ նախագահին Դումայի դիմելու նախագծում Վլադիմիր Պուտինին խնդրել էին քննարկել ինքնահռչակ ԴԺՀ-ն եւ ԼԺՀ-ն որպես անկախ պետություններ ճանաչելու հարցը, ինչպես նաեւ հանրապետությունների ղեկավարության հետ բանակցությունների շուտափույթ անցկացման հարցը՝ միջպետական հարաբերությունների իրավական հիմք ստեղծելու եւ համագործակցության ու փոխօգնության բոլոր ասպեկտները կարգավորելու նպատակով:

Ավելի ուշ կոմունիստների խմբակցության ղեկավարի առաջին տեղակալ Նիկոլայ Կոլոմեյցեւը ՌԻԱ Նովոստիին հայտնել է, որ Պետդումայի խորհուրդը որոշում է ընդունել դիմումը դիտարկել փետրվարին: