ՀՀ քաղաքացիների թիկունքում նրանց ունեցվածքը, ճանապարհը Փաշինյանը հանձնեց Ադրբեջանին

ԱԺ պատգամավոր Թագուհի Թովմասյանը գրում է.

"ՀՀ քաղաքացիների թիկունքում նրանց ունեցվածքը, ճանապարհը Փաշինյանի իշխանությունը հանձնեց Ադրբեջանին՝ ստորագրությամբ, փաստաթղթով...

Պաշտոնական տեղեկությունից մի հատված.

Կառավարությունն ասում է, որ «Կիրանցի երեք կոորդինատները տեղորոշվել են համակարգչային եղանակով, եւ սյուները կտեղադրվեն ավելի ուշ: Մյուսները տեղադրված են: Կիրանցի համար նպաստավոր լուրը մասնավորապես այն է, որ մոտ 25 հեկտար գյուղատնտեսական նշանակության հողեր, որոնք վերջին 33 տարում անհասանելի են եղել Կիրանցի համար, կվերադարձվեն գյուղին: Սահմանի նկարագրությունն այնպիսին է, ինչպիսին կա 1976 թվականի քարտեզով: Ինչպես ասվել է, ճանապարհի տեղափոխման խնդիր, այո, առաջանալու է, որը հնարավոր է իրականացնել 2-3 ամսում: Կհիմնանորոգվի նաեւ Հ-26 ավտոճանապարհից դեպի Աճարկուտ, ապա Կիրանց տանող ճանապարհը, որն այլընտրանքային է Կիրանցի համար:

Ինչ վերաբերում է գույքային հարցերին, դրանց ծավալը մեծ չի լինի, եւ կառավարությունը բոլոր նման դեպքերում կփոխհատուցի քաղաքացիների կրած վնասները, ըստ նրանց նախընտրության գույքային կամ ֆինանսական եղանակով:

Կառավարության ներկայացուցիչները առավոտից արդեն կգույքագրեն հնարավոր խնդիրները եւ կսկսեն քննարկումները Կիրանցի բնակիչների հետ»:

Ահա այսպես վաղը կգան վնասների գույքագրման..."