Եվրախորհրդարանի արտաքին գործերի կոմիտեն կոչ է անում Եվրահանձնաժողովին և Եվրամիության անդամ երկրներին պաշտոնապես կասեցնել կազմակերպությանը Թուրքիայի անդամակցության շուրջ բանակցությունները: Այդ մասին ասվում է Թուրքիայի վերաբերյալ Եվրախորհրդարանի ամենամյա զեկույցում:«Հաշվի առնելով Թուրքիայում հանրաքվեի արդյունքներն ու նախագահի լիազորությունների ընդլայնումը՝ Եվրախորհրդարանի արտաքին հարաբերությունների կոմիտեն կոչ է անում անհապաղ պաշտոնապես կասեցնել Թուրքիայի անդամակցության շուրջ բանակցությունները, եթե սահմանադրական փոփոխությունների փաթեթն ընդունվի առանց փոփոխության»,- ասվում է փաստաթղթում:Պարզաբանվում է, որ կոմիտեի անդամները գործնականում միաձայն են քվեարկել բանաձևի նախագծի համար: Ակնկալվում է, որ փաստաթուղթը ԵԽ ամբողջ կազմի քվեարկությանը կդրվի հուլիսյան ընդլայնված նստաշրջանում, հայտնում է ՏԱՍՍ-ը:
