Արցախի Մարտունի քաղաքում Գարեգին Նժդեհի արձանը չի ապամոնտաժվել, բոլոր շահարկումներն անթույլատրելի են: Այս մասին այսօր՝ փետրվարի 12-ին, հայտնել է Մարտունու քաղաքապետ Էդիկ Ավանեսյանը։ Նրա խոսքով՝ Մարտունիում Գարեգին Նժդեհի արձանի ապամոնտաժման մասին ԶԼՄ-ների հաղորդումները չեն համապատասխանում իրականությանը։ «Գարեգին Նժդեհի արձանը քաղաքում տեղադրվել է անցյալ տարվա սեպտեմբերի 26-ին, քանդակագործը նույնիսկ չի հասցրել ավարտել աշխատանքը, ուստի այժմ նրա հետ քննարկվում է հուշարձանի վրա աշխատանքն ավարտելու հարցը», - պատմել է Նա: Որտեղ կավարտվեն աշխատանքները՝ տեղում, թե արվեստանոցում, կորոշի քանդակագործը։ «Ինչ վերաբերում է Գարեգին Նժդեհի արձանի մասին ԶԼՄ-ների տարբեր հաղորդագրություններին, ապա խորհուրդ եմ տալիս հեռու մնալ այդ թեմայով ավելորդ շահարկումներից», - ասել է Մարտունու քաղաքապետը:
