Ռուսաստանի հետ հարաբերությունները եղել են, կան և կլինեն լավը. Նիկոլ Փաշինյան

Ռուսաստանի հետ հարաբերությունները եղել են, կան և կլինեն լավը: Այդ մասին «Իզվեստիա»-ի թղթակցի հետ զրույցում ասել է Հայաստանի վարչապետի պաշտոնակատար Նիկոլ Փաշինյանը, որը Կազանում մասնակցել է Եվրասիական միջկառավարական խորհրդի նիստին։

Փաշինյանը խոսել է ընտրություններից հետո Երևանի և Մոսկվայի միջև հարաբերությունների հեռանկարների մասին: Նա նշել է, որ այդ հարցը պետք չէ նույնիսկ քննարկել։ «Ռուսաստանի հետ հարաբերությունները եղել են, կան և կլինեն լավը», - ընդգծել է նա:

Վարչապետի պաշտոնակատարը նաև խոսել է սպասվող արտահերթ խորհրդարանական ընտրությունների մասին: «Կարևոր է, որ ընտրություններն ազատ լինեն, և Հայաստանի քաղաքացիները հնարավորություն ունենան օրինականության ու ազատ կամարտահայտության պայմաններում ընտրել նոր խորհրդարան», - ասել է նա։