7.10.2022
Արցախ է ժամանել Ռուսաստանից «Սպուտնիկ V» պատվաստանյութի առաջին խմբաքանակը
prev Նախորդ նորություն

Նորություններ գործընկերներից

Ռուս սակրավորներն ականազերծում են Ղարաբաղի Փիրջամալ գյուղի ծայրամասի տարածքները

Ռուսական խաղաղապահ զորախմբի հումանիտար ականազերծման վաշտի ինժեներասակրավորական խմբերը շարունակում են Լեռնային Ղարաբաղի տարածքի մաքրումը ականների վտանգից և պայթյունավտանգ առարկաներից: Այս մասին ապրիլի 30-ին հայտնել Է ՌԴ ՊՆ մամուլի ծառայությունը։


Ներկայումս ռուս զինծառայողները Լեռնային Ղարաբաղի Ասկերանի շրջանում գտնվող Պիրջամալ Ավանի ծայրամասում պայթյունավտանգ իրերի որոնման ակտիվ աշխատանքներ են իրականացնում: Այստեղ՝ գյուղատնտեսական հողատատարածքներում, մարտական գործողությունների ժամանակ եղել են մարտական դիրքեր։


Մինչ օրս տեղի բնակիչները չէին կարողանում վերսկսել գյուղատնտեսական աշխատանքները։ Նախկին ռազմական դիրքերի տարածքում աշխատանքների իրականացման ընթացքում տեղանքը լիովին մաքրվել է ռուսական խաղաղապահ զորակազմի հումանիտար ականազերծման ստորաբաժանման սակրավորների կողմից:


Ընդամենը 2020 թվականի նոյեմբերի 23-ից չպայթած զինամթերքից հումանիտար ականազերծման ստորաբաժանման զինծառայողների կողմից մաքրվել է 2051 հեկտար տարածք, 625 կիլոմետր ճանապարհ, 1721 շենք, այդ թվում՝ 30 սոցիալապես կարեւոր օբյեկտներ, հայտնաբերվել եւ վնասազերծվել է 25600 պայթուցիկ առարկա:


Սակրավորների հայտնաբերած պայթուցիկ իրերը դուրս են բերվում և ոչնչացվում Բալիջա հատուկ սարքավորված զորավարժարանում։ Զինամթերքը, որը հնարավոր չէ տարհանել, ոչնչացվում է տեղում՝ ապահովելով պայթուցիկ աշխատանքների ժամանակ անվտանգության բոլոր անհրաժեշտ միջոցները։


Ռուսաստանի նախագահի, Ադրբեջանի նախագահի եւ Հայաստանի վարչապետի համատեղ հայտարարության մեջ նշված պայմանավորվածությունների համաձայն, 2020 թվականի նոյեմբերի 10-ին Մոսկվայի ժամանակով 00:00-ից սկսած հայտարարվել է Լեռնային Ղարաբաղում կրակի եւ բոլոր ռազմական գործողությունների լիակատար դադարեցում:


Լեռնային Ղարաբաղում կրակի դադարեցման եւ ռազմական գործողությունների վերահսկման համար տեղակայված է Ռուսաստանի Դաշնության խաղաղապահ զորախումբը: Ռուսական խաղաղապահ զորակազմի հիմքը կազմում են Կենտրոնական ռազմական օկրուգի 15 առանձին մոտոհրաձգային բրիգադի (խաղաղապահ) ստորաբաժանումները: