Վրաստանի համախառն ներքին արդյունքի (ՀՆԱ) իրական աճը 2023 թվականի նոյեմբերին նախորդ տարվա համապատասխան ժամանակաշրջանի համեմատ կազմել է 5,9%, մինչդեռ 11 ամիսների ընթացքում ՀՆԱ-ի միջին աճը կազմել է 6,9%: Այդ մասին են վկայում Վրաստանի Ազգային վիճակագրական ծառայության (Գրուզստատ) հրապարակած նախնական տվյալները։ «2023 թվականի նոյեմբերին, նախորդ տարվա համապատասխան ժամանակաշրջանի համեմատ, աճի մեջ զգալի ներդրում են ունեցել հետևյալ ոլորտները՝ ֆինանսական և ապահովագրական գործունեությունը, շինարարությունը, մասնագիտական, գիտատեխնիկական գործունեությունը և առևտուրը»,- հայտնում է Վրաստանի վիճակագրությունը։ Բացի այդ, նվազման միտում է նկատվել արտադրության, էներգետիկայի, տրանսպորտի ու պահեստավորման ոլորտներում։
