Ադրբեջանի տարածքում Ռուսաստանի դիվանագիտական նոր ներկայացուցչությունների բացման հարցը ներկայումս մշակվում է քաղաքական մակարդակում։ Այս մասին ՏԱՍՍ-ին տված հարցազրույցում հայտարարել է ՌԴ ԱԳՆ հյուպատոսական վարչության ղեկավար Ալեքսեյ Կլիմովը՝ պատասխանելով հարցին, թե ե՞րբ է բացվելու նոր գլխավոր հյուպատոսություն այդ երկրում, եւ արդյոք այն կբացվի Ղարաբաղում։ «Քանի որ ադրբեջանական կողմի հետ համապատասխան պայմանավորվածություններն ավարտված են, հյուպատոսական վարչությունը կմիանա դրանց առնչվող գործնական քայլերի իրականացմանը»,- ասել է Կլիմովը։
